Летась у Беларусь прыцягнулі трох інвестараў, сёлета — 10: "сур'ёзны прагрэс"

Летась у Беларусь прыцягнулі трох інвестараў, сёлета — 10:  "сур'ёзны прагрэс"

Дырэктар Нацыянальнага агенцтва інвестыцый і прыватызацыі Дзмітрый Красоўскі распавёў sb.by пра вынікі дзейнасці. "Наша агенцтва летась змагло прыцягнуць толькі трох інвестараў, — кажа ён. — За дзевяць месяцаў гэтага года — ужо 10 [дзесяць]. Гэта сур'ёзны прагрэс".

3+10=13. Прагрэс проста відавочны! Вось і газета Адміністрацыі прэзідэнта "Беларусь сегодня" цытуе аптымістычныя словы Красоўскага пад загалоўкам: "Пяць прычын на нашу карысць: чаму інвестары выбіраюць Беларусь". Не губляе аптымізму і кіраўнік пастаяннай камісіі па міжнародных справах Палаты прадстаўнікоў Андрэй Савіных. Ён распавёў, што бачыць "цікавасць да Беларусі ў вялізнай колькасці інвестараў па ўсім свеце" (БЕЛТА вынесла гэтыя словы ў загаловак) і ўдакладніў: "Гэта Паўднёва-Усходняя Азія, Блізкі Усход і краіны Лацінскай Амерыкі".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі