Лагер падрыхтоўкі вагнераўцаў можа з'явіцца на Гродзеншчыне
Вагнераўцы могуць з'явіцца ў Гродзенскай вобласці / ria.ru, ілюстрацыйнае фота
Лагер падрыхтоўкі вагнераўцаў можа з'явіцца ў Гродзенскай вобласці. Пра гэта паведаміў гродзенскі тэлеграм-канал, блізкі да сілавікоў.
Гаворыцца, што пытанне прынцыпова вырашанае, цяпер ідзе падбор адпаведнай пляцоўкі.
Як распавядала Еўрарадыё, напярэдадні з'явіліся звесткі пра будаўніцтва такога ж лагера каля Асіповічаў у Магілёўскай вобласці.
Увечары 26 чэрвеня ў сваім выступе Уладзімір Пуцін заявіў, што байцы ПВК "Вагнер" маюць выбар — ці заключыць кантракты з Мінабароны Расіі, ці вярнуцца да мірнага жыцця, ці сысці ў Беларусь.
Раней расійскія ўлады таксама заяўлялі, што крымінальную справу на кіраўніка вагнераўцаў Яўгена Прыгожына спыняць пад умовай ягонага пераезду ў Беларусь.
