Лабавое сутыкненне машын каля Барысава: адна загінулая, пацярпела дзіця
У Барысаўскім раёне на трасе М1 Брэст — Мінск — мяжа Расіі апоўначы адбылося лабавое сутыкненне двух легкавікоў. На 430-м кіламетры Nissan раптоўна выехаў на паласу сустрэчнага руху. Ён сутыкнуўся з Mercedes. Як інфармуе ў Telegram прэс-служба МУС, у машыне хуткай дапамогі па дарозе ў бальніцу памерла пасажырка аўтамабіля Nissan. Раненні атрымалі чатыры чалавекі, дваіх з іх, у тым ліку і 7-гадовае дзіця, шпіталізавалі.
У дачыненні кіроўцы аўтамабіля Nissan распачалі крымінальную справу, артыкул — "парушэнне правілаў дарожнага руху ці эксплуатацыі транспартных сродкаў".
ДАІ
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
