Крыптавалютчык абмяняў 1,2 млн рублёў. Столькі ж у яго могуць забраць у бюджэт
Міліцыя ўзялася за крыптагаманцы / pexels.com
У Жодзіне 23-гадовы жыхар прапаноўваў паслугі па куплі-продажы крыптавалюты на профільных пляцоўках у інтэрнэце. Праз свой крыптагаманец ён правёў 1,2 мільёна рублёў, паведамляе МУС.
Міліцыя яго вылічыла і абвінавачвае ў незаконнай прадпрымальніцкай дзейнасці.
— У дачыненні да маладога чалавека складзены пратакол аб адміністрацыйным правапарушэнні. Яму пагражае штраф і зварот у даход дзяржавы ўсёй сумы, якая прайшла праз крыптагаманец, — піша прэс-служба МУС,
Згодна з дэкрэтам № 8 "Аб развіцці лічбавай эканомікі", фізасобы, якія не з'яўляюцца рэзідэнтамі ПВТ, не могуць зарабляць на абароце крыптавалюты.
