Краіна мары: чаму ў дэмсіл няма праектаў будучых рэформ — эфір з Руднік
Леся Руднік / Еўрарадыё
Адна з галоўных прэтэнзій, якія выказваюць у бок дэмакратычных сіл, — гэта нібыта адсутнасць у іх канкрэтных планаў па перабудове Беларусі. Маўляў, важна не толькі вызначыцца з геапалітычным выбарам і бачаннем адносін з Расіяй, але і паказаць людзям канкрэтныя планы па змене эканомікі, банкаўскай сферы і гэтак далей. Ажно да таго, што Офіс Ціханоўскай альбо Пераходны кабінет мусяць ужо сёння прапісаць планы па развіцці ўмоўнага Хойніцкага раёна…
Чым сёння займаецца экспертная супольнасць, калі ўжо яна не здольная прадставіць беларусам прывабныя планы рэфармавання… усяго? Ці можна насамрэч ужо цяпер думаць пра такія планы і праекты рэформ? Ці сапраўды беларусы падзеленыя на “дзве нацыі” і ці магчыма іх аб’яднаць? На гэтыя ды іншыя пытанні ў эфіры Еўрарадыё адказвае кіраўніца Цэнтра новых ідэй, дактарантка Універсітэта Карлстада, паліталагіня Леся Руднік.
