Кітай даставіў на Зямлю грунт з адваротнага боку Месяца
Кітайская місія паспрыяе "больш поўнаму разуменню месяцовай эвалюцыі" (ілюстрацыйнае фота) / pixabay.com
Кітай першым у свеце даставіў на Зямлю грунт, які быў сабраны на адваротным баку Месяца. Раніцай 25 чэрвеня капсула з грунтам, скінутая з зонда на парашуце, прызямлілася на поўначы КНР.
Кітайскі месяцовы зонд "Чан'э-6" быў запушчаны 3 траўня. Праз месяц ён паспяхова здзейсніў пасадку ў раёне Паўднёвага полюса спадарожніка нашай планеты ў кратары Апалон. Пасля таго, як грунт быў сабраны, 4 чэрвеня зонд вярнуўся на арбіту Месяца і 13 дзён чакаў магчымасці, каб пачаць падарожжа назад — на Зямлю.
Цяпер дастаўлены грун будуць вывучаць навукоўцы. Яны ўжо кажуць, што місія паспрыяе "больш поўнаму разуменню месяцовай эвалюцыі".
З бачнага боку Месяца грунт дастаўлялі на Зямлю ў 1970-я гады СССР і ЗША. У 2020-м Кітай заявіў, што і яму гэта ўдалося. Але кітайцы пайшлі далей.
The return capsule of China's Chang'e-6 probe successfully landed on Tuesday. #SpaceChina #LunarMissions pic.twitter.com/m8bQXdQwZy
— CGTN (@CGTNOfficial) June 25, 2024
