Кіраўнік памежнай службы Украіны перадаў беларускаму калегу 30 срэбранікаў
![Перадача 30 срэбранікаў для Анатоля Лапо](/sites/default/files/styles/gallery_main/public/2023-08/serebrenniki1903zh.jpg.webp?itok=H_IpV65Z)
Перадача 30 срэбранікаў для Анатоля Лапо
Кіраўнік памежнай службы Украіны Сяргей Дайнэка перадаў старшыні Дзяржпагранкамітэта Беларусі Анатолю Лапо 30 срэбранікаў. Гэта адбылося на ўкраінска-румынскай мяжы, дзе апынуўся амбасадар Беларусі ва Украіне Ігар Сокал.
Мяшочак з манетамі паспрабаваў перадаць яму мясцовы прадстаўнік памежнай службы Украіны. Але Сокал адмовіўся прымаць перадачу, развярнуўся і выйшаў з кабінета. Срэбранікі паляцелі яму ўслед.
"Як вядома, 30 срэбранікаў — плата за здраду. За ўдар у спіну Украіне меў магчымасць перадаць іх кіраўніку дзяржаўнага пагранічнага камітэта Рэспублікі Беларусь генерал-лейтэнанту Лапо А.П.", — так падпісаў відэа з гэтым момантам Сяргей Дайнэка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.