Кіраўнік Гомельскай вобласці трапіў на семінар па "ямачным рамонце"
![Падчас семінара / t.me/gomel_region_gov/](/sites/default/files/styles/gallery_main/public/2023-08/Jama.jpg.webp?itok=Cn_IQGyj)
Падчас семінара / t.me/gomel_region_gov/
Кіраўнік Гомельскай вобласці Іван Крупко трапіў на семінар па "ямачным рамонце". Як піша "Гомельская праўда", мерапрыемства з гучнай назвай "Сучасныя тэхналогіі выканання ямачнага рамонту пакрыццяў аўтамабільных дарог і вуліц" прайшло ў Рэчыцкім раёне. Яго арганізавалі "Гомельаўтадар" і "Гомельаблдарбуд". З усёй вобласці на незвычайны семінар сабралі каля 80 чалавек — прадстаўнікоў райвыканкамаў, прадпрыемстваў дарожнай гаспадаркі і ЖКГ.
Удзельнікам семінара паказалі, як рабіць якасны "ямачны рамонт". Гаворка ішла і пра далёкую, але жаданую мэту — нарэшце адмовіцца ад яго. А пакуль чыноўнікі прапануюць выдаваць прэміі рабочым, калі іх "ямачны рамонт" пратрымаўся год і больш.
"Ямачны рамонт" — гэта калі з дарогі здымаецца невялікі ўчастак пашкоджанага асфальту, непрыдатны матэрыял вывозяць, а на яго месца ўкладваюць новы пласт (могуць быць і больш простыя варыянты). Праблема стану дарог актуальная для ўсёй краіны. Грошай на іх рамонт не хапае, а атрымаць іх з Захаду з-за санкцый ужо немагчыма.
![Кіраўнік Гомельскай вобласці трапіў на семінар па "ямачным рамонце"](/sites/default/files/styles/default_image_paragraph/public/paragraphs/image/cufzvx7vvi7et7l0ssjm1qk5bwdbfgvz.jpg.webp?itok=PaqI8s8J)
![Кіраўнік Гомельскай вобласці трапіў на семінар па "ямачным рамонце"](/sites/default/files/styles/default_image_paragraph/public/paragraphs/image/5d96o6j6s999lcxsni2c9s5x4mpxidnt.jpg.webp?itok=FAKa97YN)
![Кіраўнік Гомельскай вобласці трапіў на семінар па "ямачным рамонце"](/sites/default/files/styles/default_image_paragraph/public/paragraphs/image/4z2s8ybi0zgeodk30vxt14eafz8xgrjn.jpg.webp?itok=y5rppo6E)
![Кіраўнік Гомельскай вобласці трапіў на семінар па "ямачным рамонце"](/sites/default/files/styles/default_image_paragraph/public/paragraphs/image/tb4iz5rftkjjhdkx7bagpnma32sufk3e.jpg.webp?itok=uUA-tX_2)
![Кіраўнік Гомельскай вобласці трапіў на семінар па "ямачным рамонце"](/sites/default/files/styles/default_image_paragraph/public/paragraphs/image/y78tvjqsk93sct7mdzpka5odpvmqe7tq.jpg.webp?itok=XopV0DVd)
![Кіраўнік Гомельскай вобласці трапіў на семінар па "ямачным рамонце"](/sites/default/files/styles/default_image_paragraph/public/paragraphs/image/sekqzokmcvxobmjsahiwq867r0feh0l8.jpg.webp?itok=XyNN7r-e)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.