КДБ залічыў БАЖ у "экстрэмісцкія фармаванні"
БАЖ прызналі "экстрэмісцкім фармаваннем" / Белсат
Улады прызналі Беларускую асацыяцыю журналістаў "экстрэмісцкай арганізацыяй". Такое рашэнне КДБ прыняло 28 лютага, паведамляюць праваабаронцы.
У ліпені 2021 года сілавікі правялі ператрус у офісе БАЖ і апячаталі офіс. Напрыканцы жніўня таго ж года суд ліквідаваў арганізацыю. Фармальнай прычынай стаў пазоў Міністэрства юстыцыі "ў сувязі з непрыняццем мер па ліквідацыі парушэнняў з боку БАЖ і паўторным (пасля вынесенага пісьмовага папярэджання) парушэннем заканадаўства".
