КарнягТэатр нагадаў пра сябе "Не танцамі"
Пасля 2-х гадовага навучання ў школе-студыі ММАТ імя Чэхава, Яўген Карняг – надзея і скандал беларускай тэатральнай сцэны адначасова, вярнуўся ў Мінск.
І прадставіў на вялікай сцэне свой нашумелы спектакль “Не танцы”.
Спектакль, асноўная тэма якога – гвалт, разбівае ўсе стэрэатыпы “класічнага” успрыняцця танца. Па словах Яўгена Карняга, танец – гэта не толькі весялосць, усмешка, народны пачатак і пазітыўны пасыл.
Яўген Карняг: “Таму
мой спектакль і называецца “Не танцы”. Мы вось гэтай пластыкай бралі
больш складаныя тэмы, каб і паказаць і даказаць гледачу, што танец можа
быць вельмі розным. І пры дапамозе танца можна размаўляць пра розныя
праблемы, не толькі пра каханне, але, напрыклад, і пра тое, што чалавеку
балюча”.
У бліжэйшы час Яўген рыхтуе два новыя спектаклі.
Пра гэта і пра тое, як прымалі “Не танцы” аматары сучаснага мастацтва
неўзабаве ў справаздачы Еўрарадыё.
Фота: Цімафей Скібенка