На коміка Славу Камісаранку пачалі завочную справу па "спецвытворчасці"
Слава Камісаранка
Следчы камітэт пачаў на коміка Славу Камісаранку завочную крымінальную справу ў рамках "спецвытворчасці".
Яго вінавацяць у "распальванні варожасці", "паклёпе на Лукашэнку" і "абразе Лукашэнкі".
Камісаранка пакінуў Беларусь, уцякаючы ад палітычнага пераследу пасля падзеяў 2020 года. Сярод яго палітычных жартаў найбольш вядомы вобраз "Чык-Чырыка".
Раней "спецвытворчасць" пачыналі супраць палітыкаў, экспертаў і блогераў. Цяпер Следчы камітэт дабраўся да стэндапераў.
