Караеў папярэдзіў міліцыю: "Чакаюцца значныя псіхалагічныя і фізічныя нагрузкі"
Міністр унутраных спраў Беларусі выступіў са зваротам да супрацоўнікаў органаў унутраных спраў.
Міністр унутраных спраў Беларусі Юрый Караеў выступіў са зваротам да супрацоўнікаў органаў унутраных спраў. 31 ліпеня ён быў апублікаваны ў газеце "На страже", з'явілася і відэа. Караеў нагадаў пра чвэрць стагоддзя стабільнасці ў нашай краіне, пра мірнае неба і пра 9 жніўня, калі пройдуць прэзідэнцкія выбары. Паводле яго слоў, "гэтая найважнейшая грамадска-палітычная падзея стане... сур'ёзным экзаменам на трываласць усёй сістэмы праваахоўных органаў". Міністр падкрэслівае, што будзе патрэбная "выключная арганізаванасць, высокая асабістая дысцыплінаванасць і вытрымка". Паводле яго слоў, чакаюцца "значныя псіхалагічныя і фізічныя нагрузкі".
У звароце Юрый Караеў таксама згадвае "актыўную правакацыйную дзейнасць асобных грамадзян", якія спрабуюць выклікаць у міліцыянераў "няўпэўненасць і нежаданне выконваць доўг". "Не паддавацеся на правакацыі!", — заклікае міністр унутраных спраў сваіх падначаленых.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.