Кандыдат у дэпутаты атрымае на друк улётак 1,75 млн рублёў - Ярмошына

Па 1,75 млн атрымае на выраб улётак кожны кандыдат у дэпутаты Палаты прадстаўнікоў. Пра гэта заявіла старшыня Цэнтрвыбаркаму Лідзія Ярмошына. Паводле яе словаў, сродкі закладаліся з разліку 6 кандыдатаў на 1 выбарчую акругу. Аднак, на цяперашні момант на акругу прыпадае толькі па 4,5 прэтэндэнта.

На думку Ярмошынай, гэтая лічба да моманту рэгістрацыі кандыдатаў у дэпутаты істотна не зменіцца, паведамляе "Інтэрфакс".