Кампанію "ТУТ Бай медыя" выключылі з Парка высокіх тэхналогій
"Тут Бай Медыя" выключылі з спісу рэзідэнтаў ПВТ, піша dev.by са словаў сузаснавальніка кампаніі Кірыла Валошына. Хутчэй за ўсё, назіральная рада ПВТ прыняла гэтае рашэнне напрыканцы снежня 2021 года.
У траўні 2021 года супраць службовых асоб і журналістаў партала пачалі крымінальную справу, абвінаваціўшы іх ва ўхіленні ад выплаты падаткаў. Тады ж кампанію пазбавілі ільготаў ПВТ. Сам партал TUT.by быў знішчаны сілавікамі, якія канфіскавалі серверы кампаніі.
У кастрычніку 2021-га стала вядома, што на супрацоўнікаў кампаніі пачалі новую крымінальную справу, абвінаваціўшы іх у распальванні варожасці.
