Каманда Лукашэнкі ў 10-ы раз выйграла Калядны хакейны турнір
![Каманда Лукашэнкі ў 10-ы раз выйграла Калядны хакейны турнір](/sites/default/files/styles/gallery_main/public/2023-08/luka_hockey_2017.jpg.webp?itok=N33blqgn)
Хакейная каманда Аляксандра Лукашэнкі выйграла Калядны міжнародны турнір аматараў хакея на прыз прэзідэнта Беларусі. 7 студзеня ў фінальным матчы на лёдзе “Чыжоўка-Арэны” гаспадары пляцоўкі абыгралі хакеістаў з Фінляндыі з лікам 7:3, перадае БЕЛТА.
Фінскія хакеісты гулялі ў фінале спаборніцтваў у другі раз — год таму яны саступілі беларусам з лікам 1:2. Раней Фінляндыя шэсць разоў атрымлівала бронзавыя ўзнагароды турніру.
Гэтым разам трэцяе месца дасталася аматарам хакею з Аб’яднаных Арабскіх Эміратаў, якія выйгралі ў матчы за бронзу ў славакаў — 4:3.
Каманда Лукашэнкі ў 10-ы раз перамагае на турніры, арганізаваным пад патранатам кіраўніка краіны. Увогуле Калядны турнір праходзіў у Мінску ў 13-ы раз.