Кабякоў патлумачыў, адкуль у Беларусі з'явіліся крэветкі

Прэм'ер-міністр Андрэй Кабякоў у інтэрв'ю тэлеканалу "Мир 24" патлумачыў, адкуль у Беларусі з'явіліся крэветкі, якія яна пастаўляе ў тую ж Расію.

"Калі тыя ж крэветкі ў вылаўленай выглядзе былі ўвезены ў Беларусь і прайшлі ачыстку, саленні і іншае і памянялі свой код — значыць, гэты ўжо тавар належным чынам з усімі мерамі эканамічнай палітыкі увезены на тэрыторыю Мытнага саюза і далей свабодна перамяшчаецца па тэрыторыі", — цытуе словы Кабякова БЕЛТА.

Прэм'ер адмаўляе існаванне ў гэтай справе нейкага крымінальнага следу.

"Я разумею, што кажуць з нагоды беларускіх крэветак і чаго там яшчэ. Але, яшчэ раз кажу, гэта ўсё ў адпаведнасці з заканадаўствам. Прэтэнзіі тут, па меншай меры, не да месца", — адзначыў Андрэй Кабякоў.