Ізраіль заклікае жыхароў Газы да эвакуацыі. ААН: гэта амаль немагчыма

У ЮНІСЭФ кажуць, што ў Газе “поўны хаос” і дадаюць, што для шмат каго эвакуацыя цяпер немагчымая. Human Rights Watch, у сваю чаргу, падкрэслівае, што заклік пакінуць тэрыторыю не мае сэнсу, калі няма бяспечнага месца, куды можна ісці.

ЗША і міжнародныя арганізацыі спрабуюць арганізаваць гуманітарныя калідоры для эвакуацыі жыхароў Газы, але пакуль усе намаганні не даюць плёну. Справа не толькі ў тым, каб арганізаваць бяспечны маршрут, але і каб была магчымасць размясціць уцекачоў і забяспечыць іх неабходным.

Улады Ізраіля плануюць першую за шмат гадоў наземную аперацыю ў Газе. Па апошніх дадзеных, не менш за 1300 мірных жыхароў краіны сталі ахвярамі нападу баевікоў ХАМАС. Тэрарыстычная арганізацыя працягвае ракетныя абстрэлы ізраільскіх гарадоў. Улады Ізраіля мэтай ставяць поўнае знішчэнне ХАМАС. Ці магчыма гэта? Паслухайце эфір з гісторыкам Розай Турарбекавай (плэер ніжэй).