"Ізраіль не мае ілюзіяў датычна рэжыму Лукашэнкі" — Ціханоўская
![Святлана Ціханоўская сустрэлася з Хадас Вітэнберг-Сільверстайн / t.me/tsikhanouskaya](/sites/default/files/styles/gallery_main/public/2023-08/izrail-1005.jpg.webp?itok=KbCVjasH)
Святлана Ціханоўская сустрэлася з Хадас Вітэнберг-Сільверстайн / t.me/tsikhanouskaya
10 траўня Офіс Святланы Ціханоўскай наведала амбасадарка Ізраіля ў Літве Хадас Вітэнберг-Сільверстайн, паведамляе прэс-служба палітыка.
Падчас сустрэчы абмяркоўвалася сітуацыя з палітвязнямі ў Беларусі, пагроза размяшчэння ядзернай зброі, беларуска-ізраільскія культурныя сувязі і супраца Ізраіля з дэмакратычнай Беларуссю.
Амбасадарка распавяла пра пераклады кніг і іншае, што Ізраіль ужо робіць у сферы беларуска-ізраільскай культуры.
Ціханоўская адзначыла, што Беларусь адчувае падтрымку з боку Ізраіля: "Мы бачым гатовасць Ізраіля да большай супрацы з дэмакратычнай Беларуссю — там няма ілюзіяў датычна рэжыму Лукашэнкі. Гэта добры знак".
Раней Ізраіль далучыўся да санкцый ЕС супраць рэжыму Лукашэнкі, а таксама не стаў дасылаць амбасадара ў Мінск.
!["Ізраіль не мае ілюзіяў датычна рэжыму Лукашэнкі" — Ціханоўская](/sites/default/files/styles/default_image_paragraph/public/paragraphs/image/izrail-1005-2.jpg.webp?itok=BI-n07M8)
!["Ізраіль не мае ілюзіяў датычна рэжыму Лукашэнкі" — Ціханоўская](/sites/default/files/styles/default_image_paragraph/public/paragraphs/image/izrail-1005-3.jpg.webp?itok=5dMXWq0U)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.