“Іслач” выйграла ў “Віцебска” і выйшла з зоны вылету ў першую лігу

“Іслач” выйграла ў гасцях у “Віцебска” (2:0, галы забілі Руслан Івашка і Вадзім Пабудзей) і выйшла з зоны вылету ў першую лігу. Пры гэтым з каманды перад пачаткам сезону за ўдзел у дамоўных матчах знялі 7 ачкоў. Пасля сённяшняй перамогі ў “Іслачы” стала 21 ачко, у “Славіі” 20 ачкоў і яна ў пятніцу гуляе ў Магілёве з “Дняпром”. 10 ачкоў мае “Нафтан”, які пакідае вышэйшую лігу.

Іншыя матчы 28-га тура чэмпіянату Беларусі па футболе ў вышэйшай лізе пройдуць 4-6 лістапада.