Ірына Шымановіч атрымала яшчэ адзін медаль на юнацкай Алімпіядзе
Яна стала сярэбранай прызёркай у тэнісным жаночым адзіночным разрадзе.
У фінале юная беларуская тэнісістка саступіла кітаянцы Су Шылін у двух сэтах — 3:6, 1:6. Паядынак доўжыўся 1 гадзіну 6 хвілінаў, інфармуе БЕЛТА.
Напярэдадні Шымановіч выйграла “золата” ў парным жаночым разрадзе ў тандэме з украінкай Ангелінай Калінінай: дзяўчаты абыгралі расійскі дуэт Дар’я Касаткіна/Анастасія Камардзіна ў двух сэтах — 6:4, 6:4.
Фота: tennis.by