Ірак двума рэйсамі вывезе з Мінска каля 280 мігрантаў
![Ірак двума рэйсамі вывезе з Мінска каля 280 мігрантаў](/sites/default/files/styles/gallery_main/public/2023-08/iraq-0908-1.jpg.webp?itok=IuDFU3cD)
Ірак двума эвакуацыйнымі рэйсамі вывезе з Мінска каля 280 мігрантаў. Такую лічбу назваў афіцыйны прадстаўнік МЗС гэтай краіны Ахмед ас-Сахаф, паведамляе @sputnikby.
У суботу, 7 жніўня, стала вядома, што ўсе іракскія авіяперавозчыкі прыпыняюць рэйсы ў Беларусь на нявызначаны тэрмін.
Апошнія некалькі месяцаў мігранты з Ірака і іншых краін вялікай плынню пераходзілі з тэрыторыі Беларусі ў Літву. Пасля таго, як літоўскія ўлады прынялі рашэнне вяртаць мігрантаў назад у Беларусь, Ірак скараціў колькасць рэйсаў у Беларусь, а потым і ўвогуле заняўся вывазам мігрантаў на радзіму.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.