Інфагадзіна ў беларускай школе: У амерыканскай арміі хлопцы ў памперсах ходзяць!
![Амерыканскі інструктар і ўкраінскія салдаты / Reuters](/sites/default/files/styles/gallery_main/public/2023-08/rtx74edt.jpg.webp?itok=0QLksHYa)
Амерыканскі інструктар і ўкраінскія салдаты / Reuters
— У амерыканскай арміі хлопцы ў памперсах ходзяць. Ёсць побач тумбачка, у якой у яго памадка. Побач у яго сяброўка. Ну, сяброўка ў яго мужчына, гэта зразумела. Гэта нармальная натаўская армія, — такую прамову навучэнцы школы ў Мар'інай Горцы (Мінская вобласць) пачулі днямі на інфармацыйнай гадзіне. Гэтыя заняткі чаргуюцца з класнымі гадзінамі і праходзяць на "нулявых" уроках, іх наведванне абавязковае. Часта на іх выступаюць ідэалагічна падкаваныя лектары.
Школьнікі запісалі прамову такога "запрошанага эксперта" і перадалі ў рэдакцыю Еўрарадыё:
— Немцы баяцца знаходзіцца ў сябе дома, французы баяцца, грэкі слёзы льюць. Вось што бывае, калі ты талерантны да некаторых рэчаў, — працягвае вяшчаць лектар.
Школьнікі смяюцца:
— А вы што, былі ў натаўскай арміі?
— Калі я кажу, то я ведаю, пра што я кажу! — парыруе дама.
Прысутныя на гэтай лекцыі школьнікі распавялі Еўрарадыё, што перад імі выступала захавальніца Музея баявой славы 5-й асобнай брыгады ў Мар'інай Горцы Людміла Віленаўна Галубенка. Паслухаць яе сабралі ўсе старэйшыя класы, была поўная зала.
![Инфочас в белорусской школе: "В американской армии мальчики в памперсах ходят!"](/sites/default/files/paragraphs/image/golubenko.png)
Экспертка не засталася ўбаку і ад пытання інфармацыйнай вайны:
— Людзі працуюць на стаўцы, пранікаюць у твой розум. Спецыяльныя тэхналогіі, якія лёгка забіваюць чалавека... Калі збіраецца натоўп на плошчы, скачуць там, сцягам абмотваюцца і гарлапаняць па струнцы: "Хто не скача той маскаль!" — гэта ўжо не людзі, гэта ўжо натоўп. Беражыце, хлопцы і дзяўчаты, свой мозг, каб туды не трапляла непатрэбная інфармацыя.
![Инфочас в белорусской школе: "В американской армии мальчики в памперсах ходят!"](/sites/default/files/paragraphs/image/screenshot1.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.