Вы тут

Іх норавы: у Казахстане ўручную адключалі інтэрнэт, у ЗША хакеры адкрывалі турму

Канье Уэст, зняволены з Альбукеркі і Tinder на калажы / Еўрарадыё​

Беларусы затаілі дыханне пасля таго, як пачулі голас з відавочнымі прыкметамі сур'ёзнага захворвання. Але ва ўсім свеце таксама адбываецца шмат цікавага. Еўрарадыё публікуе традыцыйны агляд сусветных навін пра жыццё ў іншых краінах.

Падчас пратэстаў улады Казахстана ўручную блакавалі інтэрнэт

Для блакавання інтэрнэту ў краінах нашага рэгіёну ўлады даўно выкарыстоўваюць тэхналогію DPI, што азначае літаральна deep packet inspection — глыбокая праверка змесціва. У апошнія гады яе ўжывалі ў Расіі, Азербайджане, Беларусі, але і ў Казахстане не змаглі, піша Forbes.

Прасадкі трафіку ў Казахстане / Netblocks

Улады Казахстана спрабавалі кропкава блакаваць доступ да мэсэнджараў і сайтаў, але ў выніку ім давялося адключаць усё "практычна ўручную".

Пра гэта Forbes расказалі тры крыніцы: блізкая да аднаго з расійскіх аператараў сувязі, былы партнёр «Казахтэлекама» і расійскі распрацоўшчык тэлекам-абсталявання. Інфармацыю пацвердзіў тэхнічны дырэктар Раскамсвабоды Станіслаў Шакіраў.

Калі абмежаваць выбарачна сэрвісы не атрымалася, улады загадалі аператарам сувязі цалкам выключыць усе перадатчыкі дадзеных. Гэтым і тлумачыцца адключэнне плацежных тэрміналаў у гандлёвых сетках, банкаматаў і астатніх важных інфраструктурных аб'ектаў.

Няўдачу з блакаваннем спецыялісты звязваюць з абсталяваннем: у "Казахтэлекама" ёсць абсталяванне ізраільскай кампаніі Allot, якое стваралася першапачаткова для збору аналітыкі і прыярэтызацыі трафіку. Яно аказалася "не заточана" пад блакаванне.

А ў ЗША была кібератакаваная турма. Хакеры адключылі камеры

Але зняволеным турмы ў Альбукерке стала ад гэтага толькі горш: яны былі зачыненыя на некалькі гадзін у камерах.

Раніцай 5 студзеня аўтаматычныя дзвярныя механізмы сталі непрыдатныя для выкарыстання і адсутнічаў доступ да камер відэаназірання — вынік маштабнай кібератакі з ужываннем праграмы-вымагальніка. Таксама The Verge піша, што база звестак адсочвання інцыдэнтаў у турме — пра бойкі, абвінавачванні ў сэксуальным гвалце або іншых супрацьпраўных дзеяннях над зняволенымі — стала недаступная, а файлы ў ёй скажоныя.

Цяпер ідуць разбіральніцтвы, вінаватыя шукаюцца і ўзмацняюцца меры бяспекі.

Зноў хакеры: у Індыі яны заразілі свае камп'ютары вірусам уласнай распрацоўкі

Спачатку хакеры стварылі вірус, які перахопліваў націсканне клавіш і мог рабіць скрыншоты. Яны заразілі ім некалькі кампутараў, пасля чаго даследчыкі вырашылі знайсці стваральнікаў і разабрацца з вірусам. У выніку пошукаў яны выявілі, што на камп'ютарах хакераў ёсць тыя ж самыя вірусы і з іх дапамогай яны змаглі перахопліваць націсканне клавіш і рабіць скрыншоты.

Гэта дазволіла справіцца з нападамі, а таксама сачыць за стваральнікамі. "Усходнеазіяцкія кіберзлачынныя групоўкі апынуліся не такімі складанымі, як іх расійскія і паўночнакарэйскія калегі", — падсумавалі даследчыкі.

Расійцы выдаткоўваюць больш грошай у Tinder, чым у"Аднакласніках"

Гэта адбылося з-за пандэміі, лічаць аўтары даследавання, Кампанія App Annie. Некалькі гадоў запар "Аднакласнікі" былі лідарам па пакупках ўнутры сацыяльнай сеткі, але ў другім і трэцім квартале 2021 года расійцы пачалі скупляць платныя функцыі ў дастасаваннях для знаёмстваў.

Мировой топ приложений прошлого года от создателей исследования

У даследаванні не пазначаныя дакладныя лічбы даходаў сэрвісаў, але аўтары адзначаюць, што агульная сума выдаткаў карыстальнікаў усіх дастасаванняў і сайтаў для знаёмстваў склала больш за 30 мільёнаў долараў.

Канье Уэст не прыедзе ў Расію

Прадстаўнік па сувязях з грамадскасцю рэпера Канье Уэста П'ер Руж'е расказаў, што навіны пра прыезд музыканта ў Расію і правядзенне шоў Sunday Service не адпавядае рэчаіснасці. Пра гэта ён паведаміў у лісце выданню The Rolling Stones.

"[Навіна]цалкам сфабрыкаваная. Гэта чуткі або прыняцце жаданага за сапраўднае ад гэтых рускіх людзей", — сказаў прадстаўнік рэпера.

Раней расійскія СМІ пісалі, што Канье Уэст збіраецца прыехаць у Расію, каб сустрэцца з Уладзімірам Пуціным і правесці шоў Sunday Service у Crocus City Hall або «Лужніках». Гэта і тады не было надта падобна на праўду, але цяпер мы дакладна ўпэўніліся.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.