Хакеісты маскоўскага "Дынама" будуць рыхтавацца да новага сезону ў Пінску
Каманда правядзе ў сталіцы беларускага Палесся 16-дзённы збор у рамках падрыхтоўкі да сезону-2013/14.
Як паведамляе "Прессбол", каманда збярэцца на сваёй базе ў Навагорску 15 ліпеня. Там усе гульцы пройдуць паглыблены медагляд і адправяцца ў Беларусь. Тут іх чакаюць інтэнсіўныя трэніроўкі і некалькі таварыскіх матчаў з беларускімі камандамі.
У гэты ж час на спартовай базе Палескага ўніверсітэта будуць праходзіць зборы ў моладзевай каманды "Дынама" і ў дынамаўцаў з ВХЛ.
