Гурт Dzieciuki прэзентуе дэбютны альбом (слухаць)
Пласцінка "Гарадзенскі гармідар" — гэта "і гісторыя, і алкаголь са спортам, гастарбайтэры і панкі на танках".
Гурт Dzieciuki прэзентуе дэбютны альбом пад назвай "Гарадзенскі гармідар" на сайце Tuzin.fm. У камандзе аб’ядналіся музыкі з розных гарадзенскіх каманд.
"Мы творчыя людзі, таму ў які бок пёрла, тое і рабілі. Тут вам і гісторыя, і алкаголь са спортам, гастарбайтэры і панкі на танках — сапраўдны гармідар!" — кажа аўтар песень гурта гурта Дзяніс Жыгавец у інтэрв'ю "Тузіну".
Канцэртная прэзентацыя "Гарадзенскага гармідару" пройдзе 22 лютага у мінскім клубе Re:Public пры падтрымцы гуртоў "Тлушч" і Pomidor/off.
