Гродзенскую студэнтку абмежавалі ў праве распараджацца стыпендыяй
Выязны суд у гродзенскім каледжы / prokuratura.gov.by
У Гродзенскім дзяржкаледжы бытавога абслугоўвання насельніцтва прайшоў выязны суд, паведамляе сайт Генпракуратуры.
Пракурор Гродна падаў у суд заяву пра абмежаванне адной з навучэнак у праве самастойна распараджацца стыпендыяй.
У матэрыялах справы адзначалася, што дзяўчыне выдаюць матэрыяльную дапамогу, а таксама іншыя выплаты ў сувязі з тым што яна мае статус дзіцяці, які застаўся без апекі бацькоў.
У пракуратуры палічылі, што атрыманыя грошы непаўналетняя навучэнка "выдаткоўвала нерацыянальна, набывала на іх алкагольныя напоі і тытунёвыя вырабы, чым наносіла шкоду свайму здароўю". Акрамя таго, яна сістэматычна здзяйсняла адміністрацыйныя правапарушэнні, у тым ліку ў нецвярозым стане.
Суд Ленінскага раёна Гродна задаволіў заяву пракурора.
