Гродзенец прызнаў, што распаўсюдзіў "экстрэмісцкі" кантэнт, але справу спынілі
Гродзенец перасылаў "экстрэмісцкі" кантэнт / pexels.com
Суд Кастрычніцкага раёна Гродна спыніў справу супраць мужчыны, якога вінавацілі ў распаўсюдзе "экстрэмісцкага" кантэнту. І нават зняў арышт, накладзены на маёмасць, піша Hrodna.life.
Гродзенец у Telegram-канале пераслаў інфармацыю і лагатып інтэрнэт-супольнасці, прызнанай "экстрэмісцкай". Сваю "віну" мужчына прызнаў.
Аднак да моманту разгляду справы закончыўся тэрмін накладання адміністрацыйнага спагнання, прадугледжаны законам. Згодна з законам, адміністрацыйнае спагнанне можна накладаць не пазней як адзін год з дня яго здзяйснення. Хутчэй за ўсё, мужчына выдаліў "экстрэмісцкі" рэпост, які мог захавацца на скрыншотах.
