Генпракурор назваў затрыманага бізнесмена Аляксеева махляром і злодзеем
Генеральны пракурор Беларусі Аляксандр Канюк назваў затрыманага бізнесмена Эрнэста Аляксеева махляром і злодзеем. Па яго словах, ён значныя сумы краў у дзяржавы і выводзіў грошы за мяжу.
“Частку [грошай] перавёў на незразумелыя фірмы, — цытуе словы Канюка БЕЛТА. — Проста злодзей. Ён арыштаваны, знаходзіцца ў Мінску, панясе пакаранне”.
Пра затрыманне бізнесмена Эрнэста Аляксеева, старшыні савета дырэктароў холдынга Yaraw стала вядома 20 красавіка. Следчы камітэт заявіў, што яго падазраюць у нанясенні маёмаснай шкоды без прыкмет крадзяжу.
Генпракурор заявіў таксама, што ў суб’ектах тавараправоднай сеткі беларускіх прадпрыемстваў у Расіі нярэдка квітнеюць крымінал, кумаўство і чыноўніцкія “кармушкі”. Больш падрабязна гл. тут.
