Галоўны трэнер салігорскага "Шахцёра" Юрый Файкоў адпраўлены ў адстаўку
Галоўны трэнер хакейнага салігорскага "Шахцёра" Юрый Файкоў адпраўлены ў адстаўку. Яго абавязкі будзе выконваць адзін з яго памочнікаў — Яраслаў Чупрыс, паведамляе hockey.by.
Файкоў кажа, што пра адстаўку яму аб'явілі ў сераду пасля трэніроўкі. "Падзякавалі за добрую працу, за добры вынік на працягу трох апошніх сезонаў, — распавядае 52-гадовы трэнер. — Ну, вырашана нешта памяняць. Вось і ўсё".
У экстралізе "Шахцёр" на 4-м месцы, у шасці апошніх матчах былі чатыры паражэнні.
