Фядута: У любым выпадку Захад прызнае выбары

На думку беларускага палітолага Аляксандра Фядуты, сёлетнія прэзідэнцкія выбары ў Беларусі Захад прызнае. Пра гэта ён заявіў у эфіры ўкраінскага радыё "Вести".

Аляксандр Фядута:  "Лукашэнка зрабіў усё, каб ацэнка выбарчага працэсу з боку Захаду была пазітыўнай. Гэта і вызваленне палітвязняў, і пасярэдніцтва ў мінскіх пагадненнях. Хутчэй за ўсё, Захад дасць такую ацэнку: "Так, выбары не зусім адпавядаюць нормам, але ёсць прагрэс". 

На думку Аляксандра Фядуты, увечары ў Мінску будзе ціха.