Праз беларускую мяжу правезлі жанчыну ў чамадане (фота)

З незвычайнай кантрабандай сутыкнуліся польскія памежнікі на беларуска-польскай мяжы. У памежным пераходзе Тэрэспаль, як паведамляе сайт польскіх памежнікаў, у валізе аднаго з пасажыраў знайшлі жанчыну.

Як выявілася ў цягніку Масква — Ніца ехаў француз, які гэткім нетрадыцыйным чынам вёз сваю расійскую жонку. Жанчына спадзявалася незаконна перасячы мяжу з Еўрасаюзам, бо не мела дакументаў, якія дазваляюць трапіць у краіну Шэнгенскага пагаднення.

Жанчына, якую дасталі з валізы, пачуваецца добра, меддапамога ёй не спатрэбілася.

За спробу незаконнага перасячэння мяжы мужу і жонцы пагражае да трох гадоў пазбаўлення волі.

Фота — strazgraniczna.pl