У Брэсце прадаюць малітваслоў "праваслаўнага воіна" з расійскім сцягам

Гандаль ідзе ў Свята-Мікалаеўскай царкве ў Брэсцкай крэпасці.

Як вядома, Брэсцкая крэпасць з’яўляецца штатным месцам прывядзення да прысягі памежнікаў і вайскоўцаў, адтуль сімвалічна адпраўляюць на службу ў беларускае войска мясцовых прызыўнікоў. У дні каляндарных святаў мытнікаў і міліцыянераў у крэпасці праводзяцца ўрачыстыя шыхтаванні асабовага складу службаў.

Летась Брэсцкая крэпасць была самым наведваным турыстычным аб’ектам Беларусі перад Мірскім замкам і Нясвіжскім палацам. Дарэчы, Свята-Мікалаеўскую царкву ў крэпасці аднавілі на месцы былога чырвонаармейскага клубу. У часы незалежнай Беларусі гарнізонная царква атрымала залатыя купалы хутчэй за сабор на ўездзе ў Брэст.