Фотафакт: брэсцкія камунальнікі не будуць выпускаць даўжнікоў за мяжу
Аб'явы з такім папярэджаннем днямі з'явіліся на пад'ездах у цэнтры гораду над Бугам.
Як паведамляе сайт BrestCITY.com, перад летнімі адпачынкамі брэстаўчанам раюць пагасіць пазыкі, каб пазбавіцца "непрыемнасцяў пры перасячэнні мяжы".
У сваім звароце адміністрацыя брэсцкага ЖРЭУ спасылаецца на артыкул "Падставы для часовага абмежавання права грамадзян на выезд з Рэспублікі Беларусь" закону аб "Аб парадку выезду з Рэспублікі Беларусь і парадку ўезду ў Рэспубліку".
"Грамадзянам, якія маюць запазычанасць па аплаце жыллёва-камунальных паслуг, у праве на выезд з Рэспублікі Беларусь будзе часова АДМОЎЛЕНА", — гаворыцца ў абвестках.
Фота — BrestCITY.com
