"Европочта" разаслала паведамленні пра "Голас", а цяпер заяўляе пра ўзлом
Паведамленні пра "Голас" ад "Еўрапошты" / Еўрарадыё
Кампанія "Европочта", праз сэрвіс якой 20 сакавіка рассылаліся паведамленні аб галасаванні ў сістэме "Голас", заявіла пра ўзлом.
"Паважаныя кліенты! Інфармуем вас, што сёння, 20 сакавіка, быў узламаны сэрвіс па адпраўцы паведамленняў "Европочты". Адбылася несанкцыянаваная адпраўка паведамленняў. Прыносім вам прабачэнні за дастаўленыя нязручнасці", — гаворыцца ў паведамленні на сайце кампаніі.
"Европочта" займаецца дастаўкай пасылак па Беларусі. Кампанія адносіцца да ЗАТ "Интернет-магазин Евроопт", таму рассылка паведамленняў пра галасаванне, якое ініцыяваў штаб Святланы Ціханоўскай, здзівіла многіх карыстальнікаў.
Прапагандысцкія тэлеграм-каналы ўжо паспелі абвінаваціць ва ўзломе беларускую апазіцыю.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.