Еўракамісія прапанавала два варыянты абмежавання цэн на расійскі газ
![Еўракамісія прапанавала два варыянты абмежавання цэн на расійскі газ](/sites/default/files/styles/gallery_main/public/2023-08/62790042_605.jpg.webp?itok=3RMaRpPL)
Еўракамісія прапанавала два варыянты абмежавання цэн на расійскі газ, піша Financial Times. Адзін з іх прадугледжвае падзел краін-чальцоў ЕС на "чырвоную" і "зялёную" зоны.
Адбывацца ён будзе ў залежнасці ад таго, ці пагражаюць краіне перабоі з пастаўкамі газу. Калі ў "чырвонай" зоне "кошты могуць быць абмежаваныя", то ў "зялёнай" яны будуць заставацца "досыць высокімі". Аднак арганізаваць гэта будзе складана.
Іншы варыянт — увядзенне столі коштаў на расійскі газ, якая будзе дзейнічаць на ўсёй тэрыторыі Еўрасаюза. Магчыма, створаць адзіную кампанію, якая зоймецца закупкай газу ў РФ. Але і тут прагназуюцца складанасці, у тым ліку ўзмацненне "геапалітычнай напружанасці".
Увесці столь коштаў на прыродны газ з Расіі прапанавала кіраўніца Еўракамісіі Урсула фон дэр Ляен. Гэтае пытанне абмяркуюць 9 верасня міністры энергетыкі краін ЕС. Масква ўжо пагражае.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.