Еўрадэпутат Здраеўскі: Для ЕС у адносінах з Беларуссю важныя базавыя каштоўнасці
![Еўрадэпутат Здраеўскі: Для ЕС у адносінах з Беларуссю важныя базавыя каштоўнасці](/sites/default/files/styles/gallery_main/public/2023-08/zdrajeuski-1502.jpg.webp?itok=O5ZM0Bgl)
Дэпутат Еўрапарламента ад Польшчы Богдан Здраеўскі, каментуючы адмену санкцыяў супраць прадстаўнікоў Беларусі, кажа, што Беларусь таксама шукала шляхі для паляпшэння адносінаў. На думку кіраўніка групы Еўрапарламента па сувязях з Беларуссю, гэта тлумачыцца складаным эканамічным становішчам, у якім апынулася наша краіна.
Здраеўскі кажа, што афіцыйны Мінск шукаў дапамогі ў розных месцах — у Маскве, Пекіне і Брусэлі. "Але Брусэль не пагодзіцца на тое, каб ісці на кампраміс у базавых каштоўнасцях. Мусіць быць выпраўленая сітуацыя з апазіцыяй, незалежнымі СМІ, недзяржаўнымі грамадскімі арганізацыямі. У іншым разе дапамогі ад Брусэля не будзе", — перасцерагае еўрапалітык.