ЕС: прапануем дапамогу Беларусі, але просім прытрымлівацца рэкамэндацый СААЗ

ЕС: прапануем дапамогу Беларусі, але просім прытрымлівацца рэкамэндацый СААЗ

Вярхоўны прадстаўнік Еўрасаюза па замежных справах і палітыцы бяспекі Жазэп Барэль выказаўся наконт дапамогі Беларусі з боку ЕС. Раней у тэлефоннай гутарцы з міністрам замежных спраў нашай краіны Уладзімірам Макеем ён назваў суму60 мільёнаў еўра. Гэтыя сродкі пойдуць на сістэму аховы здароўя ў яе барацьбе з наступствамі каранавіруса. У інтэрв'ю Радыё Свабода вярхоўны прадстаўнік Еўрасаюза па замежных справах і палітыцы бяспекі адзначыў, што "улады Беларусі ўжо цесна супрацоўнічаюць з Сусветнай арганізацыяй аховы здароўя, але... трэба [рабіць] больш". Барэль заклікаў улады Беларусі прытрымлівацца рэкамендацый СААЗ "адносна прадухілення пандэміі".

"Мы прыносім і прапануем дапамогу, — працягвае Жазэп Барэль. — Але з іншага боку, мы просім прытрымлівацца рэкамендацый Сусветнай арганізацыі аховы здароўя... Немагчыма, каб з аднаго боку прапанавалі дапамогу, [а з другога боку] не выконвалі рэкамендацый, якія мы рэалізуем у нашых краінах і просім усіх выконваць".

На адной з нядаўніх нарадаў Аляксандр Лукашэнка заявіў, што нельга адмахвацца ад прапаноў СААЗ, іх варта вывучыць. Але ў той жа час ён лічыць перадчасным увядзенне каранціну.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі