Экскурсаводаў у Беларусі абавяжуць прайсці атэстацыю
Славутасці Верхняга горада ў Мінску / Alin angel alla
У Беларусі прапануецца забараніць праводзіць экскурсіі асобам, у якіх няма пасведчання аб прафесійнай атэстацыі. Такое новаўвядзенне ўтрымліваецца ў праекце закона "Аб турызме", які беларускія дэпутаты разгледзелі ў панядзелак, паведамляе Палата прадстаўнікоў.
У выпадку, калі праект закона ўхваляць, атэстацыю абавязаны будуць праходзіць не толькі экскурсаводы, але і гіды-перакладчыкі.
Новае патрабаванне ўводзіцца "з мэтай абароны прафесійна-этычнага складніка экскурсійнага абслугоўвання і павышэння якасці экскурсійных паслуг".
Законапраект таксама дазваляе заключаць дагаворы ў сферы турызму ў электронным выглядзе.
