Экс-вядоўца "Зоны X" на БТ выйшаў на волю па памілаванні
![Дзмітрый Лукша](/sites/default/files/styles/gallery_main/public/2023-08/xvv4f1stik19n3ucjxdhcbzdayymz933.jpg.webp?itok=RNsdULhJ)
Дзмітрый Лукша
Палітзняволены журналіст Дзмітрый Лукша, які вёў на БТ праграму "Зона X", выйшаў на волю па памілаванні. Разам з Дзмітрыем Лукшам вызвалілі і яго жонку Паліну Палавінка. Як паведамляюць крыніцы "Нашай Нівы", гэта адбылося яшчэ 3 ліпеня.
Былому журналісту Белтэлерадыёкампаніі і пазаштатнаму карэспандэнту казахстанскага тэлеканала "Хабар 24" напрыканцы 2022-га году прысудзілі 4 гады калоніі, а яго жонцы — 2,5 гады калоніі. Дзянісу Яроўскаму і Канстанціну Ніканораву, якія таксама праходзілі па іх справе, прызначылі 1,5 года калоніі і 3 гады "хатняй хіміі" адпаведна.
Іх усіх абвінавацілі ў "дыскрэдытацыі Беларусі", а таксама ў "актыўным удзеле ў групавых дзеяннях, якія груба парушаюць грамадскі парадак".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.