Экс-палітзняволеную паштарку Ларысу Танкашкур зноў затрымалі
![Ларыса Танкашкур / spring96.org](/sites/default/files/styles/gallery_main/public/2023-08/pasztarka-1611.jpg.webp?itok=Xx12octA)
Ларыса Танкашкур / spring96.org
Сілавікі зноў затрымалі былую палітзняволеную паштарку Ларысу Танкашкур, паведамляюць праваабаронцы "Вясны".
Як распавядала Еўрарадыё, на пачатку 2021 году жанчыну асудзілі на тры месяцы арышту за перадачу ў тэлеграм-чат "Лебяжий 97%" персанальных даных на дзясяткі міліцыянтаў.
Адразу пасля вызвалення Танкашкур, як заяўляюць праўладныя каналы, даслала ў "Чорную Кнігу Беларусі" даныя свайго суддзі і пракурора.
Днямі каманда Infopoint Media Network звярнулася да "крыніц" тг-канала "Чорная кніга Беларусі"з заклікам выехаць за мяжу. Гэта звязана з наяўнасцю агента ГУБАЗіКа, які некалькі месяцаў дзейнічаў у сетцы і атрымаў доступ да персанальных даных.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.