ЕАЭС рыхтуе свой пакет санкцый супраць Захаду
![Прадстаўнік ЕЭК Ія Малкіна / БЕЛТА](/sites/default/files/styles/gallery_main/public/2023-08/b8a7131e454156668602b3ccf5d5baf4.jpg.webp?itok=LjH49YdC)
Прадстаўнік ЕЭК Ія Малкіна / БЕЛТА
Краіны ЕАЭС рыхтуюць адказ на санкцыі Захаду, у цяперашні час праект пераліку мер у адказ праходзіць узгадненне, паведамляе "Інтэрфакс-Захад" са спасылкай на афіцыйную прадстаўніцу Еўрапейскай эканамічнай камісіі Ію Малкіну.
Пасля таго як пакет санкцый будзе ўзгоднены, яго прадставяць кіраўнікам дзяржаў — членаў ЕАЭС.
"У найбольшай ступені ўсе прапанаваныя меры падтрымлівае Рэспубліка Беларусь, якая цяпер адчувае сур'ёзны ціск з боку ЗША, Еўрасаюза і Вялікабрытаніі", — паведаміла Малкіна.
Паводле дадзеных прадстаўніцы ЕЭК, да канца года запланаваныя дзве сустрэчы прэзідэнтаў краін ЕАЭС. Першая мусіць адбыцца 14 кастрычніка ў Мінску, другая — 10 снежня ў Алматы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.