Дзяўчаты скралі сметніцу з прыватнага медыцынскага цэнтра (відэа)
Яны зайшлі ў клініку “Антэс Мед” 28 чэрвеня і проста папрасіліся ў прыбіральню, куды іх пусцілі.
Аднак дзяўчаты вырашылі вельмі нестандартным чынам аддзячыць супрацоўнікаў медцэнтру за дабрыню… і скралі жалезную сметніцу. Здарылася гэта 28 чэрвеня прыкладна а 16.30. Дзвюх наведніц зафіксавала камера відэаназірання.
Цяпер дырэктар цэнтру “Антэс Мед” Дар’я Шыманская хоча знайсці зладзеек. “Проста хачу, каб іх пазналі знаёмыя або бацькі. А калі ёсць яшчэ пацярпелыя ад іх выбрыкаў, каб і яны адгукнуліся”, — сказала Шыманская ў інтэрв’ю Onliner.by
