Дзярждэп пацвердзіў Ціханоўскай, што ЗША падтрымліваюць беларускі народ
![Дзярждэп пацвердзіў Ціханоўскай, што ЗША падтрымліваюць беларускі народ](/sites/default/files/styles/gallery_main/public/2023-08/usa-1612.jpg.webp?itok=sNPr6Byv)
Злучаныя Штаты падтрымліваюць памкненні беларускага народа. Пра гэта намеснік дзяржсакратара ЗША Стывен Біган заявіў падчас віртуальнай дыскусіі са Святланай Ціханоўскай. Дыскусію арганізаваў нямецкі Фонд Маршала.
"Яны абмеркавалі палітычны крызіс у Беларусі, намеснік дзяржсакратара Біган пацвердзіў рашучую падтрымку ЗША гучных заклікаў беларускага народа да таго, каб яго голас быў пачуты пры вызначэнні лёсу сваёй краіны", — гаворыцца ў заяве, апублікаванай на сайце Дзярждэпартамента.
Біган заклікаў да дыялогу паміж Каардынацыйнай радай і беларускімі ўладамі. Ён падкрэсліў, што важна правесці сапраўды свабодныя і справядлівыя выбараў пад міжнародным назіраннем. Таксама намеснік дзяржсакратара заклікаў беларускія ўлады да безумоўнага вызвалення ўсіх палітвязняў і несправядліва затрыманых.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.