Дзяржаўнае касмічнае агенцтва Украіны — пра таямнічую ўспышку ў небе
Успышка ў небе над Кіевам, 19 красавіка / Скрыншот з відэа
Дзяржаўнае касмічнае агенцтва Украіны пракаментавала таямнічую ўспышку ў небе ўвечары 19 красавіка. Мяркуецца, што беларусы і ўкраінцы сталі сведкамі падзення метэарыта з патоку Лірыд, піша hromadske.ua.
Штогод у красавіку Зямля праходзіць праз шлейф каметы Тэтчар, якая і пакідае згаданыя метэарыты, хуткія і яркія. З патоку Лірыд наша планета выйдзе 29 красавіка. Пік зорападу прыпадае на бліжэйшую пятніцу.
Яркая ўспышка ўвечары ў сераду была бачная на поўдні Беларусі і поўначы Украіны. Спачатку яе тлумачылі падзеннем спадарожніка NASA, што пасля было абвергнута.
