Джонсан ізноў на баку Украіны: ён хоча, каб Еўрабачанне-2023 прыняў Кіеў
![Борыс Джонсан і Уладзімір Зяленскі / фота з афіцыйнага Твітар-акаўнта прэм'ера Вялікабрытаніі](/sites/default/files/styles/gallery_main/public/2023-08/fvdhvcewuaqmlxa.jpg.webp?itok=D2F8yOMx)
Борыс Джонсан і Уладзімір Зяленскі / фота з афіцыйнага Твітар-акаўнта прэм'ера Вялікабрытаніі
Украіна заслугоўвае права правесці "Еўрабачанне", сказаў журналістам прэм'ер-міністр Вялікабрытаніі Борыс Джонсан.
Сёлета Украіна стала пераможцам песеннага конкурсу і па правілах павінна прыняць "Еўрабачанне" ў сябе. Але Еўрапейскі вяшчальны саюз вырашыў, што праводзіць яго ва Украіне небяспечна і звярнуўся да Вялікабрытаніі з просьбай стаць арганізатарам наступнага "Еўрабачання". Злучанае каралеўства сёлета заняло другое месца ў песенным конкурсе.
“Я толькі што быў у Кіеве. Я не скажу, што ён жартуе і гудзе, але ён нашмат, нашмат больш жывы. Людзі значна больш ўпэўненыя. Людзі на вуліцах ядуць у кафэ і рэстаранах — такога не было ўсяго некалькі тыдняў таму”, — піша брытанскае выданне The Scotsman.
Джонсан прызнаў, што ў Брытаніі быў “фантастычны выступ” на "Еўрабачанні". Але перамагла Украіна — і можа прыняць конкурс.
“Я лічу, што Кіеў ці любы іншы бяспечны ўкраінскі горад быў бы фантастычным месцам для гэтага”, — сказаў брытанскі прэм'ер.
Ён толькі што вярнуўся з чарговага падарожжа ў Кіеў, дзе сустрэўся з украінскім прэзідэнтам Уладзімірам Зяленскім.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.