Дзень беларускай вышыванкі пройдзе ў Мінску
Фестываль беларускай культуры ладзяць беларускія творцы і ініцыятывы ў межах кампаніі “Зробім лепш”.
На свяце прэзентуюць сваю прадукцыю стваральнікі і распаўсюднікі беларускага нацыянальнага адзення, музыкі ды мастакі. Можна будзе набыць вышыванку ці яе сучасную стылізацыю, а таксама сувеніры з беларускім каларытам.
Таксама чакаецца майстар клас ад майстрыхі беларускіх вышыванак Насты Глушко, а таксама Наталлі Русіян — па вырабах з гліны. Аўтары гульні “Паўстанцы” распавядуць пра свой праект, а Валерыя Тумаш, Мар’яна Валуева, Іра Чэчэт пакажуць і навучаць, як рабіць тату хной ці фарбамі.
У музычнай частцы, якая пачнецца а 18-й, выступяць гурты Unia, Recha, “Бачу ўпершыню” і Сяргей Башлыкевіч (Leibonik), інфармуе Радыё Свабода.
Фестываль будзе адбывацца з 15:00 да 22:00 ў Прасторы “ДК” (вул. Талбухіна, 4. 3 паверх). Уваход вольны.
