Да затрыманага экс-следчага Яўгена Юшкевіча не пускаюць яго адвакатку
Яўген Юшкевіч / фэйсбук
Да затрыманага 19 красавіка экс-следчага Яўгена Юшкевіча не пускаюць яго адвакатку — Марыю Калесаву-Гудзіліну. Пра гэта паведамляюць сваякі Юшкевіча.
Былога следчага даставілі ў СІЗА КДБ. Як паведамляла яго адвакатка Марыя Калесава-Гудзіліна, Юшкевіча падазраюць у тэрарызме (артыкул 289 Крымінальнага кодэкса). Дома ў яго правялі ператрус.
За апошнія месяцы гэта другое затрыманне экс-следчага. 25 лістапада 2020 года яго затрымалі па крымінальнай справе і падазравалі ў "арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх". Аднак 4 снежня Юшкевіча вызвалілі пад падпіску аб нявыездзе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.