Да праваабаронцаў Лабковіча і Стэфановіча прыйшлі з ператрусамі
Зранку 14 ліпеня сілавікі прыйшлі з ператрусам да праваабаронцы зачыненага ўладамі цэнтра "Вясна" Уладзіміра Лабковіча.
Пра гэта ён паспеў коратка паведаміць у сваім акаўнце ў Фэйсбуку.
Пазней стала вядома, што ператрус праходзіць у іншага праваабаронцы "Вясны" — Валянціна Стэфановіча.
Таксама супрацоўнікі ДФР прыйшлі да гродзенскага праваабаронцы Віктара Сазонава.
Апошнім часам палітычныя ператрусы па ўсёй краіне адбываюцца штодня.
