Цяжарную жыхарку Навагрудка аштрафавалі за лагатып "Мая краіна Беларусь"
Цяжарная жанчына, ілюстрацыйнае фота / pixabay.com
У Навагрудку аператарку ЭВМ адной з устаноў адукацыі асудзілі за распаўсюд лагатыпа групы "Мая краіна Беларусь" у сацсетцы "Вконтакте", піша Hrodna.life.
Жанчына цяжарная і стаіць на ўліку. Таксама ў яе ёсць яшчэ адно непаўналетняе дзіця.
Паведамляецца, што на групу "Мая краіна Беларусь" жыхарка Навагрудка падпісалася ў 2019 годзе. Пазней яна не закрыла доступ да старонкі.
На суд жанчына не прыйшла, але віну сваю прызнала. 21 сакавіка ў судзе Навагрудскага раёна ёй прысудзілі штраф у 1000 рублёў (25 базавых велічыняў), прызнаўшы вінаватай у "распаўсюдзе эктрэмізму".
Тэлефон у жанчыны суд канфіскоўваць не стаў.
