Ці загавораць пасля "Мова Фэсту" беларусы па-беларуску?
Маштабнае свята роднай мовы "Мова Фэст" пройдзе 22 лютага ў сталічным культурным хабе "ОК16". На шасці тэматычных пляцоўках арганізатары мерапрыемства збіраюць 50 беларускіх кампаній, арганізацый, ініцыятыў і творчых калектываў. Музыка, квэсты, дыскусіі (у тым ліку дыскусія пра нацыянальную ідэю ад Еўрарадыё!), дзіцячыя забаўкі, нацыянальны фудкорт і шмат чаго іншага!
Чым адметнае сёлетняе святкаванне Дня роднай мовы? Ці сапраўды такія мерапрыемствы спрыяюць беларусізацыі грамадства? Ці здольныя мерапрыемствы такога кшталту прыцягнуць увагу далёкіх ад "моўных пытанняў" людзей?
На гэтыя ды іншыя пытанні ў жывым эфіры Еўрарадыё адказваюць Даша Бялькевіч, куратар паэтычнай часткі "Мова Фэсту", і кіраўнік "Арт Сядзібы" Алесь Снег.
